پاکستان خواتین کرکٹ ٹیم کا زمبابوے دورہ درمیان میں منسوخ

پاکستان کرکٹ بورڈ (پی سی بی) نے فلائٹ آپریشن معطل ہونے کی وجہ سے پاکستان خواتین کرکٹ کا موجودہ زمبابوے کا دورہ منسوخ کردیا ہے۔

پی سی بی نے بیان میں کہا کہ امارات ایئر لائنز نے 13 سے 28 فروری تک ہرارے سے دبئی جانے والی ایئر خدمات منسوخ کرنے کے اعلان کیا ہے جس کے بعد بعد دونوں ممالک کے کرکٹ بورڈز نے اس دورہ کو ختم کرنے کا فیصلہ کیا۔

بشکریہ ٹویٹر

پاکستانی ٹیم 12 فروری کو زمبابوے سے واپس لوٹے گی۔ اس دورے میں پاکستانی ٹیم نے ایک میچ کھیلا تھا۔ دونوں ٹیموں کے مابین عالمی کپ 2021 کوالیفائرس کی تیاری کے لیے تین یک روزہ اور تین ٹی 20 میچز کھیلے جانے تھے۔

پاکستان کرکٹ بورڈ کے چیف ایگزیکٹیو وسیم خان نے کہا کہ زمبابوے کرکٹ بورڈ کی جانب سے پاکستان ویمنز کرکٹ ٹیم کے لیے کیے گئے خصوصی انتظامات کے بعد ہمارے لیے دورہ ختم کرنے کا یہ فیصلہ کرنا مشکل تھا تاہم ایمریٹس کی جانب سے 13 سے 28 فروری تک ہرارے سے دبئی کے لیے فلائٹ آپریشن معطل کرنے کے فیصلے کے بعد ہمیں اگلے 24 گھنٹے کے اندر اپنی ٹیم کو وہاں سے وطن واپس لانا تھا۔