سری لنکا کے خلاف جاری عالمی کپ کے 44 ویں میچ میں بمراہ نے سری لنکا کے کپتان دمتھ کرونارتنے کو آؤٹ کرتے ہی یک روزہ میچوں میں وکٹوں کی سنچری مکمل کر لی ہے۔
ویڈیو
یک روزہ کرکٹ میں سب سے تیز 100 وکٹیں مکمل کرنے ولے بھارتی کھلاڑیوں میں بمراہ دوسرے نمبر پر ہیں جبکہ تیز گیند باز محمد سمیع پہلے مقام پر ہیں جنہوں نے 56 میچوں میں یہ کارنامہ انجام دیا ہے، جبکہ بمراہ نے 57 میچوں میں یہ مقام حاصل کیا ہے۔
اس فہرست میں افغانستان کے راشد خان پہلے نمبر پر ہیں جنہوں نے 44 یک روزہ میچوں میں 100 وکٹیں مکمل کی تھیں جبکہ آسٹریلیا کے تیز گیند باز مشیل اسٹارک نے 52 یک روزہ میچوں میں اور پاکستان کے ثقلین مشتاق نے 53 یک روزہ میچوں میں 100 وکٹیں مکمل کی تھیں اور بالترتیب دوسرے اور تیسرے نمبر پر ہیں۔