نودیپ سینی کو آئی سی سی کی وارننگ

بھارت کے فاسٹ بالر نویدیپ سینینے اپنے جرم کو تسلیم کرتے ہوئے آئی سی سی ایلیٹ پینل کے میچ ریفری جیف کرو کی تجویز کردہ سزا کو قبول کرلیا ہے۔

انٹرنیشنل کرکٹ کونسل نے فلوریڈا میں ٹی-20 کے دوران ویسٹ انڈیز کے بلے باز نکولس پورن کی وکٹ حاصل کرنے کے بعد بھارت کے فاسٹ بالر نویدیپ سینی کو خوشی منانے کے طریقے پر باظابطہ وارننگ دی ہے۔

نودیپ سینی نے آئی سی سی کے ضابطہ اخلاق کی دفعہ 2.5 کی خلاف ورزی کی ہے جس کا تعلق ایسے اعمال یا اشاروں کے استعمال سے ہے جس کی وجہ سے آوٹ ہونے والے بلے باز کی جانب سے جارحانہ رد عمل کا خدشہ پیدا ہوسکتا ہے۔
اس کے بعد نودیپ سینی کو اس غلط سلوک کرنے کی وجہ سے انکے حصہ میں ایک پوائنٹ دیا گیا ہے۔
واضح رہے کہ یہ واقعہ ویسٹ انڈیز کی اننگز کے چوتھے اوور کے دوران پیش آیا جب سینی نے پورن کی وکٹ حاصل کی تھی۔

فیلڈ امپائر نائجل ڈوگائڈ اور گریگوری بریتھویٹ ، تیسرے امپائر لیسلی رائفر اور چوتھے امپائر پیٹرک گوسٹارڈ نے یہ الزام عائد کیئے تھے۔

واضح رہے کہ بھارت تین میچوں کی سریز میں 2-0 کی ناقابل شکست سبقت حاصل کر لی ہے۔
6 اگست کو تیسرا ٹی -20 میچ گیانا میں کھیلا جائے گا۔