ٹیسٹ میچوں میں پہلی مرتبہ اننگ کی شروعات کرنے والے محدود اوورز کے بہترین بلے باز روہت شرما کی مسلسل دوسری سنچری اور چیتشور پجارا کی نصف سنچری کی بدولت بھارت نے پہلے ٹیسٹ کے چوتھے روز چار وکٹ کے نقصان پر 323 رنز بنا کر اننگ کا خاتمہ کر کے جنوبی افریقہ کو 395 رنز کا ہدف دیا ہے، پہلی اننگ میں بھارت کو 71 رنز کی برتری حاصل ہوئی تھی۔
ہدف کا تعاقب کرنے اتری افریقہ ٹیم چوتھے روز کا کھیل ختم ہونے تک ایک وکٹ کے نقصان پر 11 رنز بنائے ہیں۔
بھارت کے سلامی بلے باز روہت شرما پہلی اننگ میں شاندار 176 رنز بنانے کے بعد دوسری اننگ میں بھی بہتری بلے بازی کی اور مسلسل دوسری سنچری مکمل کی، انہوں نے 149 گیندوں کا سامنا کیا اور 10 چوکے اور 7 چھکوں کی بدولت مدد سے 127 رنز بنائے۔
روہت شرما کی لگاتار دوسری سنچری بدقسمتی سے روہت شرما پہلی اننگ کی طرح دوسری اننگ میں بھی اسٹمپ آؤٹ ہوئے۔
اس کے علاوہ چیتشور پجارا نے روہت شرما کا بخوبی ساتھ نبھایا اور 81 رنز بنائے جبکہ رویندر جڈیجہ، وراٹ کوہلی اور اجنکیا رہانے نے تیزی سے رنز بنائے، انہوں نے بالترتیب 32 گیندوں میں 40 رنز، 25 گیندوں میں 31 رنز اور 17 گیندوں میں 27 رنز بنائے۔
جنوبی افریقہ کی جانب سے کیشو مہاراج نے دو جبکہ ورنون فلنڈر اور کگیسو ربادا نے ایک ایک بلے باز کو پویلین کی راہ دکھائی۔
اس سے قبل بھارتی گیندبازوں نے جنوبی افریقہ کو 431 رنز پر آؤٹ کر کے ٹیم کو 71 رنز کی برتری دلائی تھی۔
چوتھے روز کا کھیل شروع ہونے کے بعد افریقہ ٹیم زیادہ دیر نہیں کھیل سکی اور آؤٹ ہوگئی۔
جنوبی افریقہ کی جانب سے ڈین ایلگر نے 160 رنز، کوئنٹن ڈی کاک نے 111 رنز اور دو پلیسس نے 55 رنز بنائے جبکہ بھارت کی جانب سے روی چندرن اشون نے سات بلے بازوں کو پویلین کی راہ دکھائی، اس کے علاوہ رویندر جڈیجہ نے دو اور ایشانت شرما نے ایک وکٹ حاصل کئے۔
