ہماچل پردیش کے دھرمشالہ میں بھارت اور جنوبی افریقہ کے درمیان کھیلنے والے تین میچوں کی ون ڈے سیریز کے پہلے یک ورزہ میچ کا آغاز نہیں ہو سکا ہے۔
ذرائع کے مطابق صبح میں بارش کے سبب آ ؤٹ فیلڈ خراب ہونے کے بعد میچ کا آغاز نہیں ہوسکا۔
اس کے علاوہ پہلے ون ڈے میچ کے لئے دونوں ٹیمیں ٹاس کے لئے بھی میدان میں اتر نہیں پائی ہے۔
بی سی سی آئی ذرائع کے مطابق شام ساڑھے چھ بجے دونوں امپائر گراؤنڈ کا معائنہ کرین گے اس کے بعد میچ ہو گا یا نہیں ہوگا اس کے سلسلے میں واضح اطلاع موصول ہوگی۔
ذرائع کے مطابق پہلے ون ڈے کا انعقاد مشکل نظرآرہا ہے کیونکہ بارش کا سلسلہ جاری ہے۔
مسلسل بارش کے سبب بھارت اور جنوبی افریقہ کے درمیان کھیلے جانے والا پہلا ون ڈے منسوخ ہوسکتا ہے۔