برسبین کے گابا میں آسٹریلیا کو آخری ٹیسٹ میچ میں تین وکٹ سے شکست دے کر بھارت نے چار میچوں کی سیریز دو ایک سے جیت کر بارڈر گاوسکر ٹرافی پر اپنا قبضہ برقرار رکھا ہے۔
آسٹریلیا نے ایڈیلیڈ میں پہلا ٹیسٹ آٹھ وکٹوں سے جیتا تھا جبکہ بھارت نے دوسرا ٹیسٹ میلبورن میں آٹھ وکٹوں سے اور چوتھا ٹیسٹ برسبین میں تین وکٹوں سے جیتا اور سڈنی میں کھیلا گیا تیسرا ٹیسٹ میچ ڈرا رہا تھا۔
برسبین ٹیسٹ میں کامیابی کے بعد بھارت کے آئی سی سی ٹیسٹ چیمپئن شپ ٹیبل میں 430 پوائنٹس ہوگئے ہیں اور وہ نیوزی لینڈ سے دس پوائنٹ آگے ہے جس کے 420 پوائنٹس ہیں، آسٹریلیا 332 پوائنٹس کے ساتھ تیسرے نمبر پر ہے۔
جیت فیصد کے لحاظ سے بھارت 71.7 فیصد کے ساتھ پہلے، نیوزی لینڈ 70.0 فیصد کے ساتھ دوسرے اور آسٹریلیا 69.2 فیصد کے ساتھ تیسرے مقام پر ہے، انگلینڈ 352 پوائنٹس اور 65.2 فیصد کے ساتھ چوتھے مقام پر ہے۔
یہ بھی پڑھیں: بارڈر۔گاوسکر ٹرافی: بھارت کی تاریخی فتح
