بھارتی کرکٹ ٹیم کے کپتان وراٹ کوہلی نے نیوزی لینڈ کے کرائسٹ چرچ میں مساجد میں ہوئی فائرنگ کے واقعہ پر گہرا دکھ ظاہر کیا ہے۔
انہوں نے ٹیوٹ کر کے لکھا "یہ خوفناک اور افسوسناک ہے۔ مجھے ان لوگوں کے لئے دل کی گہرائیوں سے دکھ ہے جو کرائسٹ چرچ حادثے میں متاثر ہوئے ہیں۔ مجھے بنگلہ دیش ٹیم کے تئیں بھی فکر ہے، آپ محفوظ رہیں''۔
یاد رہے فائرنگ کے واقعے میں بنگلادیشی کرکٹرز محفوظ رہے۔
وہی پاکستان کے سابق کپتان شاہد آفریدی نے سوشل میڈیا ویب سائٹ ٹویٹر پر اپنے پیغام میں لکھا کہ''کرائسٹ چرچ میں انتہائی اندوہناک واقعہ ہوا ہے،میں نے نیوزی لینڈ کو انتہائی پرامن اور محفوظ ملک پایا جہاں کے لوگ پیار کرنے والے ہیں۔تمیم اقبال سے بات ہوئی ہے،اطمینان ہے کہ بنگلہ دیشی ٹیم اور اسٹاف محفوظ ہے،دنیا کو مشترکہ طور پر کوشش کرکے نفرت روکنی چاہیے،دہشت گر دی کا کوئی مذہب نہیں ہوتا،میری دعائیں متاثرہ خاندانوں کے ساتھ ہیں''۔
سابق آسٹریلوی کپتان مائیکل کلارک نے بھی کرکٹ کی دنیا کے ساتھ مل کر اس حادثے میں مارے گئے لوگوں کو خراج تحسین پیش کیا ہے۔
کلارک نے ٹوئٹر پر لکھا، "کرائسٹ چرچ کا واقعہ ڈراونا اور افسوسناک ہے۔ اس حادثے کے متاثرین کے لیے میری دعائیں''۔