انٹر نیشنل کرکٹ کونسل (آئی سی سی) نے کھیل میں سیاسی مداخلت کا قصوروار پائے جانے پر آرٹیکل 2.4 کے سیکشن سی اور ڈی کے تحت زمبابوے ٹیم پر کارروائی کی ہے۔
زمبابوے کرکٹ ٹیم معطل
انٹرنیشنل کرکٹ کونسل (آ ئی سی سی) نے سیاسی مداخلت کی وجہ سے زمبابوے کرکٹ ٹیم سمیت تمام اسٹاف کو فوری طور پرمعطل کردیا ہے۔
icc
معطلی کے بعد آئی سی سی کی جانب سے زمبابوے کی مالی تعاون کو بھی منجمد کردیا گیا، اس کے کسی بھی نمائندہ کو آئی سی سی کے یونٹس میں حصہ لینے کی اجازت نہیں ہوگی۔
کونسل نے زمبابوے کرکٹ کے منتخب عہد یدار کو 3 ماہ کے اندر بحال کرنے کا حکم دیا ہے۔
اس معاملے کا مزید جائزہ اکتوبر کی بورڈ میٹنگ میں لیا جائے گا۔ آئی سی سی نے ممبر شپ شرائط پر پورا نہ اترنے کی وجہ سے کروشیا کرکٹ فیڈریشن اور زیمبیا کرکٹ یونین کو بھی معطل کردیا ہے۔