'پانڈیا کی بلے بازی میں خامیاں ہیں'

پاکستان کے سابق آل راؤنڈر عبدالرزاق نے کہا کہ وہ بھارتی کھلاڑی ہاردک پانڈیا کی بلے بازی خامیاں دور کر کے انہیں دنیا کا بہترین آل رؤنڈر بنانے میں مدد کر سکتے ہیں۔

عبدالرزاق نے ٹویٹ کیا کہ گزشتہ روز میں نے پانڈیا کی بلے بازی کو غور سے دیکھا اور محسوس کیا کہ گیند کو ہٹ کرتے وقت ان کے بدن کا توازن صحیح نہیں ہوتا ہے اسی وجہ سے وہ آؤٹ ہو جاتے ہیں۔

بشکریہ ٹویٹر

انہوں نے مزید کہا کہ اگر میں پانڈیا کو کوچنگ دوں گا تو وہ دنیا کے بہترین آل راؤنڈر کی فہرست میں شامل ہو سکتے ہیں اور اگر بی سی سی آئی چاہتا ہے کہ میں پانڈیا کی کوچنگ کروں تو میں اس کے کے لیے ہمہ وقت تیار ہوں۔

بشکریہ ٹویٹر

عبدالرزاق پاکستانی کی جانب سے 46 ٹیسٹ، 265 یک روزہ اور 32 ٹی 20 میچز کھیل چکے ہیں۔