ہریانہ: شہباز کا آئی پی ایل میں انتخاب، علاقے میں خوشی کی لہر

ریاست ہریانہ کے ضلع نوح کے رہنے والے شہباز احمد کو دنیا کے سب سے مقبول ٹی 20 لیگ انڈین پریمیئر لیگ کے 2020 کے ایڈیشن کی نیلامی میں رائل چیلینجرز بنگلور نے خریدا جس کے بعد نوح میں خوشی کا ماحول ہے۔

ضلع نوح کے میوات شکراوہ گاؤں کے رہنے والے شہباز احمد ہونہار کرکٹر ہیں اور گزشتہ ماہ ہی انڈیا اے کرکٹ ٹیم میں ان کا انتخاب ہوا تھا اور اسی وقت سے امید کی جارہی تھی کہ شہباز اب آئی پی ایل میں بھی کھیلیں۔

گزشتہ روز کولکاتا میں آئی پی ایل کھلاڑیوں کی نیلامی کی تقریب منعقد ہوئی جس میں ہریانہ کے اس نوجوان کھلاڑی کو رائل چیلینجرز بنگلور نے 20 لاکھ روپے کی بیس پرائز پر اپنی ٹیم میں شامل کیا۔

اس بابت میوات کرکٹ ایسوسی ایشن کے رکن عابد دانی باس نے خوشی کا اظہار کیا،
شہباز کے ساتھی کھلاڑی ندیم نے کہا کہ انہیں بہت خوشی ہے کہ ان کے دوست کا انتخاب آئی پی ایل جیسے بڑے ٹورنامنٹ میں ہوا۔