وراٹ کوہلی کی کپتانی پر گمبھیر کا اہم بیان

بھارتی ٹیم کے کپتان وراٹ کوہلی کی شاندار بلے بازی کا اعتراف دنیا کرتی ہے لیکن جب کپتانی کی بات آتی ہے تو کرکٹ ماہرین اور کرکٹرز مختلف رائے رکھتے ہیں۔

ٹیم انڈیا کے سابق سلامی بلے باز گوتم گمبھیر بھارتی کپتان وراٹ کوہلی کو چالاک کپتان تصور نہیں کرتے۔ان کے مطابق مہیندر سنگھ دھونی اور ممبئی انڈینس کے کپتان روہت شرما وراٹ کوہلی سے زیادہ چالاک کپتان ہیں۔

وراٹ کوہلی کا کہنا ہے کہ مہیندرسنگھ دھونی اور روہت شرما کی کپتانی میں چینئی سپر کنگس اور ممبئی انڈینس تین تین بار آئی پی ایل چیمپئین بنے ہیں لیکن روئل چیلینجرس بینگلور ایک بار بھی آئی پی ایل نہیں جیت سکی۔

گمبھیر نے کہا کہ وراٹ کوہلی خوش نصیب ہیں کہ آئی پی ایل نہ جیتنے کے باوجود بھی ان کو روئل چیلینجرس نے کپتان برقرار رکھا کیونکہ کوئی ٹیم ٹرافی نہ جیتنے کی صورت میں اتنے دنوں تک کپتان برقرار نہیں رکھتی۔کوہلی روئل چیلینجرس بینگلور کا حصہ رہے ہیں اور پچھلے سات آٹھ برسوں سے وہ کپتانی کر رہے ہیں لیکن آر سی بی کو خطاب نہیں دلا سکے۔

گوتم گمبھیر کے مطابق ایک کپتان اتنا اچھا ہوتا ہے جتنا اچھا اس کاریکارڈ ہوتا ہے۔