اولی پوپ انجری کے باعث چار ماہ تک کرکٹ سے دور

پاکستان کے خلاف تیسرے ٹیسٹ میچ میں کندھا اترنے کے باعث زخمی ہونے والے انگلینڈ کرکٹ ٹیم کے بلے باز اولی پوپ 4 مہینوں کیلئے کھیل کے میدان سے دور ہو گئے ہیں۔

تفصیلات کے مطابق اولی پوپ پاکستان اور انگلینڈ کے درمیان کھیلے گئے تیسرے ٹیسٹ میچ کے چوتھے روز اس وقت زخمی ہوئے جب وہ اسٹورٹ براڈ کی گیند پر لگنے والے شاٹ پر گیند پکڑنے کیلئے باﺅنڈری کی جانب بڑھے، اس کوشش میں ان کا بایاں کندھا اتر گیا جس کے باعث وہ فوراً ہی میدان سے باہر ہو گئے۔

لندن میں ان کا ایم آر آئی اسکین کیا گیا تو انکشاف ہوا کہ انہیں سرجری کی ضرورت ہے اور اب چند ہفتوں کے بحالی پروگرام کے بعد سرجری کی جائے گی۔ اولی پوپ کیلئے یہ انجری تشویشناک ہے کیونکہ گزشتہ سال سرے کاﺅنٹی کی جانب سے کھیلتے ہوئے بھی ان کا بایاں کندھا ہی زخمی ہوا تھا اور وہ 3 مہینوں کیلئے کھیل سے دور رہے تھے۔