پاکستان اور انگلینڈ کے مابین ساؤتھمٹن میں جاری تیسرے اور آخری ٹیسٹ میچ میں پاکستانی ٹیم کی پہلی اننگ لڑکھڑاگئی اور سیشن میں 40 رنز پر اس کے 4 کھلاڑی آؤٹ ہوگئے۔
انگلینڈ کی جانب سے جیمس اینڈرسن نے پاکستان کے چاروں بلے بازوں کو پویلین کی راہ دکھائی جس میں شان مسعود(4 رنز)، عابد علی(ایک رن)، بابر اعظم(11 رنز) اور اسعد شفیق(5 رنز) کے وکٹ شامل ہیں۔
پاکستانی ٹین ابھی بھی انگلینڈ کے اسکور سے 543 رنز پیچھے ہے۔
اس سے قبل انگلینڈ کی ٹیم نے زیک کراؤلی کی ڈبل سینچری اور جوز بٹلر کی سنچری کے بدولت 8 وکٹوں کے نقصان پر 583 رنز پر اپنی اننگ ڈکلیئر کر دی تھی۔
زیک کراؤلی نے شاندار بلے بازی کرتے ہوئے ٹیسٹ کریئر کی پہلی ڈبل سنچری بنائی، انہوں 34 چوکوں اور ایک چھکے کی مدد سے 267 رنز بنائے جبکہ جوز بٹلر نے 13 چوکوں اور 2 چھکوں کی مدد سے 311 گیندوں میں 152 رنز بنائے۔
پاکستان کی جانب سے شاہین آفریدی، فواد عالم اور یاسر شاہ نے دو دو وکٹیں حاصل کیں جبکہ نسیم شاہ اور اسعد شفیق کے ایک ایک بلے باز کو آؤٹ کیا۔
واضح رہے کہ تین ٹیسٹ میچوں کی سیریز میں انگلینڈ پہلا ٹیسٹ میچ جیت کر سیریز میں 0-1 سے آگے ہے جبکہ دوسرا ٹیسٹ ڈرا ہوگیا تھا۔