بھارت نے حال ہی میں کولکاتا کے تاریخی میدان ایڈن گارڈن میں بنگلہ دیش کے خلاف اپنا پہلا ڈے نائٹ ٹیسٹ کھیلا تھا اور اسے اننگز سے جیت حاصل ہوئی تھی۔
جبکہ آسٹریلیا نے بھی پاکستان سے اپنا حالیہ ڈے نائٹ ٹیسٹ اننگز سے جیتا تھا، آئی سی سی ٹیسٹ چیمپیئن شپ میں بھارت 360 پوائنٹس کے ساتھ پہلے اور آسٹریليا 176 پوائنٹس کے ساتھ دوسرے نمبر پر ہے۔
اگر آسٹریلیا کا یہ منصوبہ کامیاب ہوجاتا ہے تو یہ ایسی پہلی سیریز ہوگی جس میں ایک سے زیادہ ڈے نائٹ ٹیسٹ میچ ہوں گے۔
کرکٹ آسٹریلیا (سی اے) کے صدر ارل ایڈنگس کی قیادت میں سی اے کی ایک ٹیم بھارتی کرکٹ کنٹرول بورڈ (بی سی سی آئی) کے نئے عہدیداروں سے جنوری میں محدود اوورز کی سیریز کے وقت ملاقات کرے گی تا کہ سیریز میں دو ڈے نائٹ ٹیسٹ میچز کے امکانات تلاش کئے جاسکیں۔
اگرچہ اس معاملے میں ابھی بات چیت شروع نہیں ہوئی ہے لیکن آسٹریلیا اس بات کے لیے کوشاں ہے کہ وہ بھارت کے ساتھ ایک سیریز میں دو ڈے نائٹ ٹیسٹ میچز کھیلے۔
