عالمی کپ میں سست اننگز کے لیے دھونی پر تنقید کے سلسلے میں انہوں نے کہا کہ دھونی پر تنقید کرنا ان کے ساتھ ناانصافی ہے، ایسا کسی بھی بہترین بلے باز کے ساتھ ہو سکتا ہے۔
سب سے اہم بات یہ ہے کہ دھونی اچھا کھیل رہے ہیں، اگرچہ ہو سکتا ہے کہ وہ لوگوں کی توقع کے مطابق کارکردگی کا مظاہرہ نہیں کر پا رہے ہوں۔
کپل دیو نے مزید کہا کہ سب سے بڑی پریشانی یہ ہے کہ ہم اپنے کھلاڑیوں سے ضرورت سے زیادہ توقع رکھتے ہیں، دھونی ٹیم کے لیے بہترین کارکردگی کا مظاہرہ کر رہے ہیں اور وہ ٹیم کے اہم کھلاڑی ہیں۔
انہوں نے کہا کہ وراٹ جیسے جارحانہ بلے باز اور کپتان کے ساتھ دھونی جیسے پرسکون کھلاڑی کا ہونا ضروری ہے، وہ ایک اچھے وکٹ کیپر بھی ہیں۔
