ہمارا مڈل آرڈر مضبوط ہے: سرفراز

پاکستانی کرکٹ ٹیم کے کپتان سرفراز احمد نے عالمی کپ میں شاندار پرفارمنس کی امید کا اظہار کیا ہے، انہوں نے کہا کہ ٹیم کی نگاہیں خطاب پر مرکوز ہو گئی ہیں۔

سرفراز احمد کا کہنا ہے کہ ہماری ٹیم عالمی کپ میں شاندار مظاہرہ کرنے کی کوشش کرے گی۔انہوں نے کہ کھلاڑیوں کی عمدہ کار کردگی کی بنا پر ہم عالمی کپ پر قبضہ کر سکتے ہیں۔

سرفراز نے کہا کہ ہمارا مڈل آرڈر مضبوط ہے۔ ہمارے پاس مڈل آرڈر میں بابر اعظم، محمد حفیظ اور حارث سہیل جیسے بلے باز ہیں۔یہ سبھی بلے باز میچ کا رخ بدل سکتے ہیں۔ان کے علاوہ آل راؤنڈر کی شکل میں عماد وسیم، فہیم اشرف اور اسپنر کی شکل میں شاداب خان موجود ہیں۔

پاکستانی کپتان نے کہا کہ ہم عالمی کپ کے لیے ایسی ٹیم کا انتخاب کریں گے جو کسی بھی حالات میں بہتر کھیل کا مطاہرہ کر سکیں۔

سینئیر کھلاڑیوں کو آسٹریلیا کے خلاف سیریز میں آرام دینے کے سوال پر انہوں نے کہا کہ کچھ کھلاڑی مسلسل میچ کھیل رہے تھے جس کی وجہ سے ان کو آرام دیا گیا تاکہ عالمی کپ میں وہ تازہ دم ہوکر میدان میں اتریں۔

سرفرازنے عالمی کپ میں تمام ٹیموں کو مضبوط قرار دیا۔ ان کا کہنا ہے کہ بھی ٹیم میچ جیت سکتی ہے۔