سڈنی ٹیسٹ میں بیٹنگ کور ہوں گے گلین فلپس

آکلینڈ ایس کے بلے باز گلین فلپس نیوزی لینڈ ٹیم کے بیمار کھلاڑیوں ہنری نکولس اور کین ولیمسن کے بیٹنگ کور کے طور پر سڈنی میں آسٹریلیا کے خلاف جمعہ سے شروع ہونے والے آخری ٹیسٹ کا حصہ بنیں گے۔

آسٹریلیا اور نیوزی لینڈ کے درمیان ایس سي جي میں جمعہ سے سیریز کا تیسرا اور آخری ٹیسٹ منعقد ہوگا۔23 سال کے فلپس کو پہلی بار نیوزی لینڈ کی ٹیسٹ ٹیم کا حصہ بنانے کے لیے طلب کیا گیا ہے۔ نکولس اور ولیمسن دونوں ہی گزشتہ کچھ دنوں سے وائرل بخار میں مبتلا ہیں۔

فلپس نے 2019-20 سیزن کا شاندار آغاز کیا ہے اور تینوں فارمیٹس میں سنچری بنائی ہیں جس میں نومبر میں ستاروں سے آراستہ انگلینڈ کی ٹیسٹ ٹیم کے خلاف وانگرئي میں فرسٹ کلاس سنچری بھی شامل ہے ۔

کیوی ٹیم کے کوچ گیری اسٹڈ نے زور دیا کہ فلپس کو احتیاطا ٹیم میں شامل کیا گیا ہے کیونکہ ٹیم میں دو کھلاڑی انفٹ ہیں۔اسٹڈ نے کہاکہ ہم اب کچھ خطرے کی حالت میں ہیں اور احتیاطا ہم نے ٹیم میں متبادل رکھا ہے۔

گلین اس وقت سے اچھی فارم میں چل رہے ہیں اور بلے اور گیند سے منفرد انداز میں کھیلنے کی قابلیت رکھتے ہیں ۔

وہ نیوزی لینڈ کی ٹی -20 ٹیم کے ساتھ گزشتہ چند برس رہے ہیں اور ان کے لیے ٹیسٹ ٹیم میں بھی کھیلنے میں پریشانی نہیں ہوگی۔ ہمیں اب بھی امید ہے کہ کین اور ہنری ٹھیک ہو جائیں گے۔

اپنی فٹ نیس ثابت کر سکیں گے۔ لیکن کوئی ایک بھی باہر ہوا تو ہمارے پاس اختیار رہے گا۔