اینجیلو میتھوز کی سری لنکا کی ٹی۔20 ٹیم میں واپسی

اسٹارآل راؤنڈرایجنیلومیتھیوز کوبھارت کے خلاف ٹی۔20 سیریزکے لیے سری لنکا کی ٹیم میں شامل کیا گیاہے جبکہ لستھ ملنگا کو ٹیم کی قیادت سونپی گئی ہے۔

سری لنکا نے تجربہ کار تیزگیندباز لست ملنگا کو بھارت کے دورے میں تین میچوں کی ٹی -20 سیریز کے لئے سری لنکا کی ٹیم کا کپتان بنایا جبکہ ٹیم میں آل راؤنڈر اینجلو میتھیوز کو شامل کیا گیا ہے۔

ٹی -20 سیریز کا پہلا میچ پانچ جنوری کو گوہاٹی میں کھیلا جائے گا۔ دوسرا میچ سات جنوری کو اندور میں اور تیسرا میچ 10 جنوری کو پونے میں کھیلا جائے گا۔

آل راؤنڈر میتھیوز نے چوٹ کی وجہ سے طویل عرصہ سے باہر رہنے کے بعد ٹیم میں واپسی کی ہے۔

میتھیوز اگر پہلے میچ کے لئے آخری الیون میں منتخب ہوتے ہیں تو وہ 16 ماہ کے طویل وقفے کے بعد اپنا پہلا ٹی -20 میچ کھیلیں گے۔

زخمی فاسٹ بالر نوان پردیپ ٹیم سے باہر ہیں اور ان کی جگہ ٹیم میں كاسن رجتا کو شامل کیا گیا ہے۔

پردیپ نومبر میں آسٹریلیا کے خلاف ٹی -20 سیریز میں کھیلے تھے۔آل راؤنڈر دھننجے سلوا کو بھی ٹیم میں جگہ ملی ہے جبکہ شهان جے سوریہ بھی ٹیم سے باہر ہیں۔