چینئی پولس نے لاک ڈاؤن کی خلاف ورزی کرنے کی پاداش میں بھارتی کرکٹ ٹیم کے سابق کھلاڑی رابن سنگھ کی گاڑی ضبط کرلی ہے۔
تفصیلات کے مطابق رابن سنگھ کی گاڑی اس وقت ضبط کی گئی جب وہ ایسٹ کوسٹ روڈ پر تھے اور ای پاس کے بغیر گاڑی چلا رہے تھے۔ رپورٹ کے مطابق سنگھ کا کسی بھی ہنگامی سفر کا بھی جواز نہیں تھا۔
اطلاعات میں پولیس اہلکار کے حوالے سے بتایا گیا ہے کہ پولس نے لاک ڈاؤن قوانین کی خلاف ورزی کرنے پر ان کی گاڑی قبضے میں لے لی ہے۔
واضح رہے کہ رابن سنگھ 90 کی دہائی میں بھارتی کرکٹ ٹیم کے اہم رکن اور ون ڈے ٹیم کا لازمی حصہ تھے۔
انہوں نے 136 میچوں میں قومی ٹیم ک جانب سے ملک کی نمائندگی کی جس میں انہوں نے 2336 رنز بنائے اور 69 وکٹیں حاصل کیں۔
اس کے علاوہ رابن سنگھ نے رنجی ٹرافی میں تمل ناڈو کی نمائندگی کی اور 137 میچز کھیلے ہیں، انہوں نے مردوں کی قومی کرکٹ ٹیم کے فیلڈنگ کوچ کی حیثیت سے بھی خدمات انجام دے چکے ہیں جبکہ انڈین پریمیر لیگ(آئی پی ایل) میں بھی ممبئی انڈینس کے ساتھ طویل وقت تک بطور کوچ منسلک رہے۔
