تیجسوی کی شاندار سنچری، دہلی کی پوزیشن مضبوط

تیجسوی اور مینک ملہوترا کے مابین 141 رنز کی بہترین پارٹنرشپ کی بدولت دہلی نے کوچ بہار ٹرافی کے چار روزہ مقابلے کے تیسرے دن پیر کو پہلی اننگز میں 442 رنز بنا کر اتر پردیش کے خلاف پہلی اننگز میں 299 رنز کی برتری حاصل کر لی۔

کملا کلب میدان پر میزبان ٹیم اتر پردیش نے دوسری اننگز میں دو وکٹ پر 142 رن بنائے، دن کا کھیل ختم ہونے کے وقت وجے یادو 49 رنز اور آدتیہ شرما 70 رنز بنا کر کریز پر موجود ہیں۔

اتر پردیش کو اننگز کی شکست سے بچنے کے لیے اب 157 رنز کی ضرورت ہے جبکہ دہلی کی کوشش میچ کے آخری دن میزبان ٹیم کے آٹھ وکٹ حاصل کر کے جیت درج کرنے کا ہدف ہوگا۔

اتر پردیش کی پہلی اننگز کو 143 رنز پر ختم کرنے والے دہلی کے گیند بازوں نے میزبان ٹیم کی دوسری اننگز میں بھی ویسی ہی کوشش کی جب دوج مہرا نے سلامی جوڑی کو 25 رن پر پویلین کی راہ دکھا دی

اس کے بعد میں کریز پر آئے وجے اور آدتیہ نے محتاط انداز میں کھیلتے ہوئے ٹیم کو مزید کسی نقصان سے بچایا، ان دونوں بلے بازوں کے مابین اب تک تیسرے وکٹ کے لیے 117 رنز کی پارٹنرشپ ہو چکی ہے۔

اس پارٹنرشپ کو توڑنے کے لیے دہلی کے کپتان نے آٹھ گیند بازوں کا استعمال کیا لیکن انہیں کامیابی نہیں ملی۔

آدتیہ نے اپنی نصف سنچری اننگز میں اب تک 8 چوکے اور ایک چھکا جبکہ وجے پانچ چوکوں کی مدد سے 49 رنز بنا کر کریز پر موجود ہے۔

اس سے قبل دہلی نے اپنے کل کے اسکور پانچ وکٹ پر 199 رن سے آگے کھیلنا شروع کیا۔

پہلے سیشن میں ہی کریز پر آئے تیجسوی نے جارحانہ انداز میں کھیل شروع اور مکالف ٹیم کے گیند بازوں کو پریشان کیا۔

انہوں نے اپنی تیز سنچری میں 123 گیندوں میں 18 چوکے اور دو چھکے لگائے جبکہ دوسرے کنارے پر مینک نے نصف سنچری اننگز میں آٹھ چوکے اور دو چھکے لگائے۔

میزبان ٹیم کے لیے شتج سنگھ نے سب سے زیادہ تین وکٹ حاصل کیے وہیں كنال تیاگی اور کرتگیہ سنگھ کو دو دو وکٹ ملے۔