آفریدی کی فلائٹ چھوٹی، دو میچ نہیں کھیل پائیں گے

پاکستان کے سابق کھلاڑی اور لنکا پریمیئر لیگ (ایل پی ایل) میں گالے گلیڈیئٹرس کے کپتان شاہد آفریدی کی پیر کو پاکستان سے سری لنکا کے لئے فلائٹ چھوٹ گئی۔

فلائٹ چھوٹنے کے سبب شاہد آفریدی لنکا پریمیئر لیگ میں پہلے دو مقابلے نہیں کھیل پائیں گے۔

گلیڈیئٹرس نے کہا کہ انہیں امید ہے کہ آفریدی بدھ تک یہاں پہنچ جائیں گے۔

ٹیم نے کہا کہ انہوں نے تصدیق کی ہے کہ آفریدی دو مقابلوں کے لئے دستیاب نہیں ہوں گے۔

آفریدی اگرچہ سری لنکا پہنچنے کے بعد تین دن تک آئسولیشن میں رہیں گے اور ٹیم کے ساتھ ایک بائیو سییف ماحول میں رہیں گے.