ویسٹ انڈیز کے خلاف واحد ٹیسٹ میچ میں نو وکٹوں کی شرمناک شکست برداشت کرنے والے افغانستان ٹیم کے کپتان راشد خان نے کہا کہ طویل فارمیٹ کے کرکٹ میں ان کی ٹیم ابھی نئی ہے اور اس فارمیٹ میں خود کو ڈھالنے کے لیے بلے بازوں کو بہت محنت کرنی پڑے گی۔
اٹل بہاری واجپئی اكانا اسٹیڈیم پر میچ کے تیسرے دن جمعہ کو نو وکٹ سے ہارنے کے بعد راشد نے کہا کہ اب ہمیں طویل فارمیٹ کے لئے اور محنت کرنی پڑے گی۔
انہوں نے کہاکہ ہمارے بلے باز میچ کے دوران جدوجہد کرتے نظر آئے۔ اس سمت میں ہمیں جلد توجہ دینا ہو گی۔ ابھی ہم ٹیسٹ کرکٹ میں نئے ہیں ۔ یہ ٹیم کا چوتھا ٹیسٹ میچ تھا جس میں ہم تجربہ کار ویسٹ انڈیز کے سامنے تھے۔ ہم اپنی غلطیوں سے سبق لے کر جلد ہی ٹیسٹ کرکٹ میں کامیابی کے نئے طول و عرض قائم کریں گے۔
حمزہ کی تعریف کرتے ہوئے انہوں نے کہا کہ حمزہ نے گزشتہ تین سالوں میں فرسٹ کلاس کرکٹ میں اچھی کارکردگی کا مظاہرہ کیا ہے۔ ہمیں تجربہ کار نبی کی کمی کھل رہی تھی جسے کسی حد تک حمزہ نے پورا کیا۔ اس کا مستقبل خوشگوار ہے جو افغان ٹیم کو مضبوطی دے گا۔ ہمارا فوکس ایشیا کپ اور ٹی 20 ورلڈ کپ کی طرف ہے اور انشا ء الله ہم ان مقابلوں میں بہتر کارکردگی کا مظاہرہ کریں گے۔
