جارحانہ سلامی بلے باز روہت شرما ویسٹ انڈیز کے خلاف دوسرے ٹی 20 میچ میں ایک چھکا لگاتے ہی انٹرنیشنل کرکٹ میں 400 چھکے مکمل کرلیں گے۔
روہت شرما انٹرنیشنل کرکٹ میں 400 چھکا لگانے والے دنیا کے تیسرے اور بھارت کے پہلے بلے باز بطن جائیں گے، اس سے قبل ویسٹ انڈیز کے جارح بلے باز کرس گیل نے انٹرنیشنل کرکٹ میں 534 جبکہ پاکستان کے سابق کپتان شاہد آفریدی نے 476 چھکے لگائے ہیں۔
اس کے علاوہ بھارت کے ہی اسپین گیند باز یزویندر چہل ایک وکٹ لیتے ہی ٹی 20 میچوں میں سب سے زیادہ وکٹ لینے والے بھارتی گیند باز بن جائیں گے۔
بھارت کی جانب سے ٹی 20 میچوں میں روی چندرن اشون نے 52 وکٹیں حال کی ہیں اور اب یزویندر چہل بھی 52 وکٹ لے کر اشون کے ساتھ مشترکہ طور پر پہلے مقام پر ہیں۔
ویسٹ انڈیز کے خلاف سیریز سے قبل چہل کے نام 50 ٹی 20 وکٹیں تھیں جبکہ انہوں نے حیدرآباد میں کھیلے گئے پہلے ٹی 20 میچ میں 2 بلے بازوں کو پویلین کی راہ دکھائی تھی۔