کلنگا اسٹیڈیم میں بیڈمنٹن ہائی پرفارمنس سنٹر کا سنگ بنیاد

اتوار کے روز اس سنٹر کا سنگ بنیاد اڑیسہ حکومت کے محکمہ کھیل کے عہدیداروں کی موجودگی میں رکھا گیا۔ اس میں آٹھ کورٹ ہوں گی جو کھیلوں کی جدید سہولت سے آراستہ ہوں گی۔

ملک میں بیڈ منٹن کو فروغ دینے کے مقصد سے بھونیشور کے کلنگا اسٹیڈیم میں بیڈمنٹن ہائی پرفارمنس سنٹر کا سنگ بنیاد رکھا گیا ہے۔ اس سنٹر کو بنانے میں 45 کروڑ روپے کی لاگت آئے گی۔

ملک میں بیڈمنٹن کو فروغ دینے اور عالمی سطح پر ہندوستان کو کھیلوں کا پاور ہاؤس بنانے کے مقصد سے اڑیسہ، ڈالمیا سیمنٹ اور ہندوستانی بیڈمنٹن کے قومی ہیڈ کوچ پلیلا گوپی چند کلنگا اسٹیڈیم کمپلیکس میں اڑیسہ حکومت کی مدد سے بیڈمنٹن ہائی پرفارمنس سنٹر بنانے کے لئے آگے آئے ہیں۔

اتوار کے روز اس سنٹر کا سنگ بنیاد اڑیسہ حکومت کے محکمہ کھیل کے عہدیداروں کی موجودگی میں رکھا گیا۔ اس میں آٹھ کورٹ ہوں گی جو کھیلوں کی جدید سہولت سے آراستہ ہوں گی۔

اس میں 40 کھلاڑیوں اور آٹھ کوچوں کے لئے رہائش ہوگی اور 500 شائقین کی گنجائش ہوگی۔ سنٹر مستقبل میں قومی اور بین الاقوامی ٹورنامنٹ کی میزبانی کر سکے گا۔