جاوید اختر کے بیان پر بی جے پی کا احتجاج

حالیہ دنوں میں نغمہ نگار جاوید اختر نے افغان طالبان کا موازنہ آر ایس ایس و دیگر ہندو تنظمیوں سے کیا تھا، جس کے خلاف بی جے پی یوتھ وینگ کے کارکنان نے ان کے خلاف احتجاج کیا ہے۔

حیدرآباد: کئیدہائیوں سے اپنے نغموں سے موسیقی کی دنیا کو شرابور کرنے والے عظیم شاعر، لفظوں کے جادوگر اور نغمہ نگار جاوید اختر تنازعہ میں آگئے ہیں۔ دراصل انہوں نے ایک بیان دیا ہے، جس پر بی جے پی کے کارکنان نے اعتراز ظاہر کیا۔ انہوں نے حال ہی میں میڈیا سے بات کرتے ہوئے طالبان کا موازنہ آر ایس ایس، ویشو ہندو پریشد اور بجرنگ دل سے کیا تھا۔

جاوید اختر کے اس بیان کے بعد بی جے پی کی یوتھ وینگ کے کارکنان نے ان کے گھر احتجاج کرنے پہنچ گئے اور جاوید اختر کے خلاف نعرے بازی کی۔ بی جے پی رکن اسمبلی اتل بھٹ کھلکر نے جاوید اختر سے معافی مانگنے کا مطالبہ کیا ہے اور ایسا نہیں کرنے پر قانونی کارروائی کرنے کی بات کہی ہے۔

غور طلب ہو کہ جاوید اختر نے کہا تھا کہ آر ایس ایس اور بجرنگ دل کی سوچ طالبان جیسی ہے۔ انہوں نے میڈیا سے بات کرتے ہوئے مزید کہا تھا کہ بھارت ایک سیکولر ملک ہے، لیکن کئی لوگ ایسے بھی ہیں جو آر ایس ایس اور وی ایچ پی کو بل (طاقت) دیتے ہیں، جن کی سوچ 1930 کے نازی نظریات جیسی ہے۔

معلوم ہوکہ جاوید اختر ہندی فلم کے عظیم شخصیت ہے، وہ سوشل میڈیا پر کھل کر اپنی باتیں رکھتے ہیں۔