عرفان خان کے بیٹے بابل اداکار کی بہت ساری پرانی تصاویر اور ویڈیوز سوشل میڈیا پر پوسٹ کررہے ہیں۔
منگل کے روز بابل نے عرفان خان کی ایک نئی ویڈیو اپنے مداحوں کے ساتھ شیئر کی۔
ویڈیو میں دی لنچ باکس اداکار برف کے ٹھنڈے پانی میں نہاتے ہوئے دکھائی دے رہے ہیں۔
اس پوسٹ کو مداحوں کی جانب سے خوب پسند کیا جارہا ہے۔
ایک مداح نے اس پوسٹ پر لکھا کہ یہ بہت پیارےہیں، عرفان آپ کی یاد آرہی ہے۔
ایک اور شخص نے لکھا کہ"ان تمام سنہری یادوں کو ہمارے ساتھ بانٹنے کے لئے آپ کا شکریہ۔ ان کی روح کو سکون ملے۔"
عرفان خان کا 29 اپریل کو 54 سال کی عمر میں انتقال ہوگیا ۔ اس ہفتے کے اوائل میں انہیں ممبئی کے کوکیلابین دھیروبھائی انبانی اسپتال میں کولون انفیکشن کی شکایت ہونے کے بعد داخل کیا گیا تھا۔
