تفصیلات کے مطابق بھارتی کرکٹ ٹیم کی سابق کپتان متالی راج کی زندگی پر فلم بنائے جانے کی خبریں گشت کر رہی ہیں اور اس فلم میں تاپسی پنو متالی کے مرکزی کردار میں نظر آسکتی ہیں۔
اس تعلق سے تاپسی نے بتایا کہ اگر فلم مجھے مل جاتی ہے تو شوٹنگ کے دوران کرکٹ کھیلنا واقعی دلچسپ ہوگا اور اگر آپ میں سے کوئی بھی فلم سازوں کو جانتا ہے تو پلیز انہیں میرے نام کا مشورہ دیجئے،کیونکہ میں اس فلم میں کام کرنا چاہتی ہوں۔
واضح رہے کہ تاپسی جلد ہی فلم سانڈ کی آنکھ میں کام کرتی نظر آئیں گی جس میں ان کے ساتھ بھومی پیڈنیکر بھی ہیں۔
سانڈ کی آنکھ فلم کا ٹیزر حال ہی میں ریلیز کیاگیا تھا جسے لوگوں نے کافی پسند کیا ہے، یہ فلم ایک ریئل لائف کہانی پر مبنی ہے جس میں دنیا کی سب سے عمر دراز شارپ شوٹر کے بارئے میں بتایا گیا ہے۔
سانڈ کی آنکھ فلم اترپردیش کے جوہڑی گاؤں کی بزرگ شارپ شوٹر پرکاشی تومر اور چندرو تومر کی اصل زندگی پر مبنی ہے اور فلم کی ہدایت تشارہ ہیرانندانی ہیں یہ فلم رواں برس دیوالی کے موقع پر ریلیز ہوگی۔