بالی وڈ میں بہت کم وقت میں اپنا نام مشہور ادکاروں میں درج کرانے والی سارہ علی خان اور ان کے بھائی ابراہیم لاک ڈاؤن کے دوران اپنی فیٹنیس پر خاص توجہ دے رہے ہیں۔
فلم لو آج کل کی اداکارہ نے اپنے انسٹاگرام ہینڈل پر بھائی کے ساتھ کسرت کرتے ہوئے ایک تصویر شیئر کی ہے، ان کے ساتھ ان کا پالتو جانور ففی سنگھ بھی دکھائی دے رہا ہے۔
شیئر کی گئی تصویر میں سارہ علی خان کیمرے کو پوز دیتی دکھائی دے رہی ہیں جبکہ ان کے بھائی زمین پر قمیض کے بغیر لیٹے ہوئے دکھائی دے رہے ہیں۔
تصویر میں ان کے ساتھ پالتو کتا ففی سنگھ دونوں بھائی بہن کو کسرت کرتے ہوئے دیکھ رہا ہے۔
سارہ نے انسٹاگرام میں پوسٹ کے کیپشن میں لکھا 'ناک ناک، کون ہے وہاں، ہم تو نہیں، ہم تو کسرت کر رہے ہیں، ہاں ففی بھی کسرت کر رہے ہیں ہمارے ساتھ'۔
فلم سمبا کی اداکارہ لاک ڈاؤن کے دوران اپنے مداحوں کے لیے انسٹاگرام و دیگر پلیٹ فارمس پر کچھ نہ کچھ شیئر کرتی رہتی ہیں۔
انہیں کی طرح بالی وڈ اور ہالی وڈ و دیگر ادکار و فن کار اپنے مداحوں کے ساتھ جڑے رہنے کے لیے سماجی رابطے کی ویب سائٹس کا سہارہ لے رہے ہیں۔