آئی پی ایل کے 14 ویں ایڈیشن کے 5 ویں مقابلے میں کولکاتا ئانٹ رائیڈرز ٹیم جیتی بازی ہار گئی اور ممبئی انڈینز کے خلاف اسے 10 رنوں سے شکست کا سامنا کرنا پڑا۔
کے کے آر کی شکست کے بعد ٹیم شریک مالک اور بالی وڈ اسٹار شاہ رخ خان کافی مایوس ہیں اور انہوں نے مداحوں سے معافی بھی مانگی۔
شاہ رخ نے ٹویٹر پر لکھا کہ 'بہت مایوس کُن پرفارمنس! بس اتنا ہی کہوں گا۔۔ میں کولکاتا نائٹ رائیڈرز کے سبھی مداحوں سے معافی مانگتا ہوں۔'
واضح رہے کہ چنئی کے چیپاک اسٹیڈیم میں کھیلے گئے میچ میں کولکاتا نائٹ رائیڈرز نے آندرے رسل کی قاتلانہ گیند بازی کی بدولت ممبئی انڈینز کو 152 رنوں پر ہی سمیٹ دیا تھا۔ رسل نے شاندار گیند بازی کا مظاہرہ کرتے ہوئے 2 اوورز میں 15 رنوں کے عوض 5 وکٹیں حاصل کی تھیں جو کولکاتا کے کسی بھی گیند باز کا اب تک کا سب سے بہتر پرفارمنس ہے۔
اس سے قبل سنیل نرائن نے سنہ 2012 میں کنگز الیون پنجاب کے خلاف 19 رنز دے کر 5 وکٹیں حاصل کی تھیں۔
