بلڈ پریشر میں اتار چڑھاؤ اور تھکن کی وجہ سے اسپتال میں داخل ہونے کے دو دن بعد اداکار رجنیکنت کو اتوار کے روز حیدرآباد کے اپولو اسپتال سے فارغ کردیا گیا ہے۔ان کی اہلیہ لتا رجنی کانت نے آرتی کے ساتھ سپراسٹار کا گھر میں استقبال کیا۔
فلم کبالی کے اداکار گذشتہ کچھ دنوں سے حیدرآباد میں اپنی آئندہ فلم اننٹھے کی شوٹنگ کر رہے تھے۔فلم کے کچھ عملہ کے کووڈ 19 متاثر پائے جانے کے بعد فلم کی شوٹنگ کو روکنا پڑا، جبکہ سپراسٹار کا کووڈ رپورٹ منفی آیا تھا۔فلم کے کچھ عملے کے کورونا متاثر پائے جانے کے بعد اداکار نے خود ساختہ علیحدگی اختیار کرلی تھی۔