فلم ساھو کا رومانٹک پوسٹر جاری

پربھاس اور شردھا کپور کی آنے والی فلم ساھو کا نیا پوسٹر جاری کر دیا گیا ہے جس میں دونوں رومانٹک انداز میں نظر آرہے ہیں۔

بالی وڈ اداکارہ شردھا کپور اور ساؤتھ فلموں کے اداکار پربھاس کی فلم 'ساھو' اس سال اگست کی 30 تاریخ کو ریلیز ہونے جا رہی ہے، اس فلم کا نغمہ 'سائکو سیّاں' ان دنوں خوب ٹرینڈ کر رہا ہے۔

وہیں گزشتہ شب شردھا کپور نے اپنے ٹویٹر کے اکاؤنٹ پر فلم کا نیا پوسٹر شیئر کیا ہے، جس میں دونوں ایک دوسرے بہت نزدیک نظر آرہے ہیں۔

جس سے مداح اندازہ لگا رہے ہیں کہ یہ نئی جوڑی بڑے پردے پر دھوم مچائے گی۔
سردھا اس فلم میں مشکل ترین ایکشن کرتی پہلی بار نظر آئیں گی۔

اس فلم میں شردھا، پربھاس کے ساتھ ساتھ جیکی شراف، نیل نِتن مکیش، مندرا بیدی، چنکی پانڈے، مہیش مانجریکر، ارُن وجئے اور مورلی شرما و دیگر اداکار نظر آئیں گے۔

فلم کو تیلگو،تمل، اور ہندی زبانوں میں بھارت میں اور بھارت کے باہر مختلف جگہوں پر شوٹ کیا گیا ہے۔