این سی بی نے آرین خان کو قلعہ عدالت میں پیش کیا

بالی ووڈ اداکار شاہ رخ خان کے بیٹے آرین خان کو قلعہ عدالت میں پیشی کے لیے لایا گیا ہے۔ آرین پر پر نشہ آور ادویات کا استعمال، فروخت اور خریداری کرنے کا الزام ہے۔

نارکوٹکس کنٹرول بیورو نے بالی ووڈ اداکار شاہ رخ خان کے بیٹے آرین خان اور دیگر دو ملزمین کو منشیات لینے سے متعلق معاملے میں آج قلعہ عدالت میں پیشی کے لیے لایا گیا ہے۔

واضح رہے کہ سنیچر کی رات کو این سی بی نے آرین خان کو ممبئی سے گوا جانے والی کروز میں ہورہی پارٹی سے آرین خان کو گرفتار کیا ہے، آرین پر نشہ آور ادویات کا استعمال، فروخت اور خریداری کرنے کا الزام ہے۔ آرین سمیت سات دیگر نوجوانوں کو این سی بی نے گرفتار کیا ہے۔ وہیں آرین کی گرفتاری کے بعد بالی ووڈ کے کئی شخصیات آرین کی حمایت میں سامنے آئی ہیں۔ وہیں اتوار کی دیر رات سپر اسٹار سلمان خان اپنے دوست اور اداکار شاہ رخ خان سے ملاقات کرنے کے لیے ان کی رہائش گاہ پہنچے تھے۔

ابتدائی طور پر آرین خان، مُن مُن دھمیچا اور ارباز مرچنٹ کو گرفتار کیا ہے اور تینوں کو سخت سیکورٹی کے درمیان ایسپلانڈ مجسٹریٹ کورٹ کے سامنے پیش کرنے کے بعد انہیں پیر تک ایک دن کے لیے این سی بی کی تحویل میں بھیج دیا گیا تھا، جس کے بعد آج انہیں قلعہ عدالت میں پیش کیا جارہا ہے۔