بالی وڈ کے معروف اداکار نوازالدین صدیقی 15 اگست کو گائیتونڈے بن کر ایک بار پھر ویب سیریز کی تاریخ میں نیا باب قائم کرنے جا رہے ہیں۔
نوازالدین نے اپنی اگلی فلم 'بولے چوڑیاں' کی بھی شوٹنگ شروع کر دی ہے۔
دلچسپ بات یہ ہے کہ اس بار نوازالدین صدیقی کے ساتھ ساؤتھ فلموں کی مشہور اداکارہ تمنا بھاٹیہ نظر آئیں گی۔ رومانٹک ڈرامے پر مبنی یہ فلم نوزالدین کے بھائی شمس نواب صدیقی کی ہدایت کاری میں بننے جا رہی ہے۔ شمس نواب کی یہ پہلی فلم ہے جس سے وہ بالی وڈ میں داخل ہو رہے ہیں۔
اس فلم کی سب سے خاص بات یہ ہے کہ نوازالدین صدیقی فلم کے لیے ایک ریپ سانگ 'سویگی چوڑیاں' میں اپنی آواز بھی دیں گے۔ 28 سیکنڈ کے ایک ٹیزر کو نواز نے اپنے ٹوئٹر اکاؤنٹ پر شیئر کیا ہے۔