سشانت سنگھ خودکشی معاملہ: سنجنا سنگھی سے پوچھ تاچھ

بالی وڈ فلم اداکار سشانت سنگھ راجپوت کی خودکشی کے معاملے میں باندرہ پولیس نے ان کی آخری فلم میں سشانت کے ساتھ کام کرنے والی اداکارہ کو پوچھ تاچھ کے لیے طلب کیا۔

فلم اداکار سشانت سنگھ راجپوت نے باندرہ میں واقع اپنے گھر میں پھانسی لگا کر خودکشی کر لی تھی جس کے بعد جتنی منہ اتنی باتیں ہونے لگی تھیں حتی کہ کچھ لوگوں نے سشانت کی موت کو خودکشی نہیں بلکہ قتل قرار دیا ہے۔

ممبئی پولیس اس معاملے کو سنجیدگی سے لیتے ہوئے تحقیقات کر رہی ہے اور اب تک کئی لوگوں سے پوچھ تاچھ کر چکی ہے اور اب سشانت سنگھ کے ساتھ ان کی آخری فلم میں کام کرنے والی اداکارہ سنجنا سنگھی کو باندرہ پولیس اسٹیشن طلب کیا گیا ہے۔