اسٹار کڈز پر زیادہ دباؤ: ٹائیگر شراف

بالی ووڈ کے ایکشن اسٹار ٹائیگر شراف کا کہنا ہے کہ 'اسٹار کڈز پر زیادہ دباؤ ہوتا ہے'۔

سوشانت سنگھ راجپوت کی موت کے بعد سے اقربا پروری کی وجہ سے آؤٹ سائیڈرس کی جدو جہد کا موازنہ اسٹار کڈز سے کیا جارہا ہے۔ ایسی صورتحال میں سبھی اسٹار کڈس نشانے پر آگئے ہیں۔

اس دوران اسٹار کڈس کو لے کر جیکی شراف کے بیٹے ٹائیگر شراف کا ایک بیان سامنے آیا ہے۔ ٹائیگر شراف نے کہا 'ایک اسٹار کا بیٹا ہونے کی وجہ سے ان پر زیادہ دباؤ ہوتا ہے۔ لوگوں کو لگتا ہے کہ یہ بہت آسان ہوتا ہے لیکن حالات اس کے بالکل برعکس ہیں۔

ٹائیگر نے کہا 'اسٹار کڈس ہونا محنت کو دوگنا کرتا ہے۔ یہ انڈسٹری ایک طرح سے ان لوگوں کے لیے آسان ہے جو فلم انڈسٹری سے تعلق رکھتے ہیں لیکن اسے اپنے دم پر بنانے کی کوشش کر رہے ہیں۔ وہ اپنے والد جیکی شراف کی شبیہ سے باہر نکلنے میں کامیاب رہے'۔