بھارت رتن لتا منگیشکر Bharat Ratana Lata Mangeshkar کی حالت ایک بار پھر نازک ہو گئی ہے۔ انہیں ممبئی کے برج کینڈی ہسپتال میں دوبارہ وینٹی لیٹر پر منتقل کر دیا گیا ہے۔
لتا منگیشکر کی عمر 92 برس ہے اور وہ بڑھتی عمر سے متعلق مختلف بیماریوں سے جوجھ رہی ہیں۔
لتا منگیشکر کا علاج کر رہے ڈاکٹر پرتیت سمدھانی اور ان کی ٹیم لگاتار ان کی صحت کا خیال رکھے ہوئے ہے اور ایک بار پھر لتا دی دی کی طبیعت خراب ہوئی تو انہوں نے فوری طور پر وینٹی لیٹر پر شفٹ کیا۔ ان کے علاج کے لیے ڈاکٹروں کی ایک ٹیم 24 گھنٹے ہسپتال میں موجود ہے۔ Lata Mangeshkar Health Update
کچھ دن پہلے بھی لتا منگیشکر کی طبیعت خراب ہونے کی خبر آئی تھی جس کے بعد ان کے ترجمان نے ان خبروں کو جھوٹا قرار دیا تھا۔ انہوں نے کہا تھا کہ 'لوگوں میں جھوٹی خبریں پھیلانا پریشان کن ہے۔ براہ کرم دھیان دیں کہ لتا دی دی متحرک ہیں۔ ان کی جلد گھر واپسی کے لیے دعا کریں۔
