'کسانوں کی حمایت کرنے والے دہشت گرد'

یوم جمہوریہ کے موقع پر کسانوں نے لال قلعہ کے دامن میں تعمیر شدہ یادگار پر خاص برادری کا پرچم نصب کر دیا۔جس کی تصویر وائرل ہونے کے بعد کنگنا رناوت نے کہا کہ جو کوئی بھی کسانوں کی حمایت کررہا ہے، اسے جیل میں ڈال دینا چاہیے۔

اداکارہ کنگنا رناوت نے کہا کہ 'جو بھارتی موجودہ کسان مظاہرے کی حمایت کررہے ہیں، وہ دہشت گرد ہیں'۔

کنگنا نے یوم جمہوریہ کے موقع پر ایک ٹویٹ کیا'چھ برانڈز نے مجھ سے معاہدہ منسوخ کردیا۔ کچھ پہلے سے ہی دستخط شدہ تھے،کچھ پر دستخط کرنے والی تھی۔انہوں نے کہا کہ میں نے کسان کو دہشت گرد کہا ہے، اسی لیے وہ مجھے ایمبسیڈر نہیں بنا سکتے۔آج میں اس فساد کی حمایت کررہے اینٹی نیشنل برانڈ کو دہشت گرد کہنا چاہوں گی۔

کنگنا رناوت ٹوئٹ

اداکارہ نے ایک ویڈیو بھی شیئر کی ہے۔جس میں انہوں نے کہا کہ 'آج ہم دنیا کے سامنے ایک مزاق بن گئے ہیں۔ہماری کوئی عزت نہیں رہ گئی ہے۔ہمیں کوئی پرواہ نہیں ہے کہ دوسرے ملک کے وزیر اعظم ہمارے مہمان ہیں، ہم ان کے سامنے ننگے بیٹھ سکتے ہیں۔اگر یہی چلتا رہا تو ملک میں ترقی نہیں ہو پائیں گی۔جو کوئی بھی کسان مظاہرے کی حمایت کرتا ہے، اسے جیل میں ڈال دینا چاہیے۔انہوں نے ہمارے ملک، حکومت اور سپریم کورٹ کو مزاق میں بدل دیا ہے۔