کنگنا رناوت باندرہ تھانہ میں پیشی کے لیے پہنچیں

اداکارہ کنگنا رناوت ایک کیس کے سلسلے میں باندرہ تھانے میں پیش ہوئیں، ایک متنازعہ پوسٹ کے سلسلے میں ان کے خلاف کیس درج کیا گیا ہے۔

بالی ووڈ سے متعلق ایک متنازعہ پوسٹ کے سلسلے میں اداکارہ کنگنا رناوت اپنی بہن رنگولی کے ساتھ آج باندرہ پولیس اسٹیشن میں پیشی کے لیے پہنچیں۔ دراصل کچھ روز قبل بالی وڈ کے متعلق ان کا ایک متنازعہ پوسٹ منظر عام پر آیا تھا، جس کے بعد کنگنا کے خلاف باندرہ پولیس اسٹیشن میں کیس درج کیا گیا تھا۔

باندرہ میں مجسٹریٹ کی ہدایت پر نومبر میں کنگنا اور رنگولی کے خلاف ایف آئی آر درج کی گئی تھی۔ بعد میں کنگنا نے ہائی کورٹ میں اپیل کی تھی کہ کیس کو رد کیا جائے۔

باندرہ پولیس اسٹیشن میں پیشی سے قبل کنگنا نے اپنے خیالات کا اظہار ٹویٹر پر ایک ویڈیو کے ذریعے کیا۔

کنگنا نے الزام لگایا کہ جب سے وہ ملک کی بہتری کے لئے اپنے خیالات پیش کر رہی ہیں تب سے انہیں بہت پریشانی کا سامنا کرنا پڑ رہا ہے۔ ان کا گھر بھی غیر قانونی طور پر توڑ دیا گیا۔ کنگنا نے یہ بھی کہا کہ اس معاملے میں ان کے خلاف ایف آئی آر اس وقت درج کی گئی جب ان کا سماجی رابطے کی ویب سائٹس پر ان کا کوئی اکاونٹ نہیں تھا۔