ضرورت مند لوگوں کو ملازمت فراہم کریں گے: سونو سود

سونو ایک بار پھر غریبوں کی مدد کے لیے آگے آئے ہیں ۔ انہوں نے سوشل میڈیا پر ایک تصویر شیئر کی ہے۔ اس میں لکھا ہے ’’ لاک ڈاؤن ہو یا نہ ہو، آپ کے روزگار کی فکر مجھ پر چھوڑ دیجیے‘‘۔

بالی ووڈ اداکار سونو سود نے ضرورت مندوں کے لیے ایک نئی مہم کا آغاز کیا ہے، جس کے تحت وہ غریبوں کو روزگار فراہم کریں گے۔

سونو سود نے گذشتہ برس کورونا وبا کے دوران ہوئے لاک ڈاؤن میں غیر مقیم مزدوروں اور ضرورت مندوں کی مدد کی تھی۔

سونو ایک بار پھر غریبوں کی مدد کے لیے آگے آئے ہیں ۔ انہوں نے سوشل میڈیا پر ایک تصویر شیئر کی ہے۔ اس میں لکھا ہے ’’ لاک ڈاؤن ہو یا نہ ہو ، آپ کے روزگار کی فکر مجھ پر چھوڑ دیجیے‘‘۔

سونو نے تصویر شیئر کرتے ہوئے اپنے ٹویٹ میں لکھا ’’ کوشش ضرور کروں گا‘‘۔

سونو سود نے ایک ہیلپ لائن نمبر شیئر کیا ہے اور ایپ بھی لانچ کیا ہے۔ اس کی مدد سے کوئی بھی شخص نوکری حاصل کرسکتا ہے۔