نیدرلینڈ میں دوبارہ ریلیز ہوگی ریتک کی فلم 'سپر 30'

اداکار ریتک روشن کی شاندار فلم سپر 30 کو ریلیز ہوئے ایک سال مکمل ہو گیا ہے لیکن اب اچھی خبر یہ ہے کہ یہ فلم 6 اگست کو نیدرلینڈ میں دوبارہ ریلیز کی جائے گی۔ اس کی اطلاع ریلائنس انٹرٹینمنٹ کے آفیشل پیج پر ایک ٹویٹ کے ذریعہ دی گئی ہے۔

بالی ووڈ سپراسٹار ریتک روشن کی فلم سپر 30 نیدرلینڈ میں دوبارہ ریلیز ہونے کے لیے مکمل طور سے تیار ہے۔

ریلائنس انٹرٹینمنٹ کے آفیشل پیج کے ایک ٹویٹ کے ذریعہ اس کی جانکاری دی گئی ہے جس میں لکھا گیا کہ 'نیدرلینڈ میں ایک بار پھر سے سپر 30 ریلیز ہونے والی ہے۔ یہاں کے سنیما گھروں میں 6 اگست کو اسے ریلیز کیا جا رہا ہے۔'

ریلائنس انٹرٹینمنٹ نے اس فلم کو پروڈیوس کیا ہے اور اسی کمپنی کے ذریعہ نیدرلینڈ میں اس فلم کو دوبارہ ریلیز کیا جا رہا ہے۔

فلم کے مرکزی اداکار یہ خبر سن کر بہت پرجوش نظر آرہے ہیں۔ انہوں نے انسٹاگرام پر اس خبر کو پوسٹ کرتے ہوئے خوشی کا اظہار کیا ہے۔

وکاس بہل کی ہدایتکاری میں بننے والی یہ فلم ریاضی دان آنند کمار کی زندگی اور ان کے زیر انتظام انسٹی ٹیوٹ سپر 30 پر مبنی ہے۔