ہماچل حکومت نے کنگنا رناوت کے لئے اضافی سکیورٹی تعینات کی

وزیر اعلیٰ جے رام ٹھاکر نے کہا ہے کہ کنگنا رناوت کی بہن نے کنگنا کی حفاظت بڑھانے کے لیے فون کیا تھا، جس کے بعد حکومت نے یہ فیصلہ لیا ہے۔ تو وہیں کنگنا نے ٹویٹر پر سنجے راوت کو یاد دلایا کہ وہ 9 ستمبر کو ممبئی آرہی ہیں۔ آپ کے لوگوں نے مجھے مارنے کی بات کہی ہے تو 9 ستمبر کو ممبئی میں ہی ملتے ہیں۔

سشانت سنگھ کیس سے متعلق اپنے بیانات کی وجہ سے منظرعام پر آنے والی فلم اداکارہ کنگنا رناوت کے تحفظ کے لیے ہماچل حکومت نے سیکیورٹی بڑھا دی ہے۔ وزیر اعلی جے رام ٹھاکر نے کہا ہے کہ کنگنا رناوت کی بہن کا سیکیورٹی بڑھانے کا فون آیا تھا، اس کے ساتھ ہی ان کے والد نے پولیس میں تحریر دے کر بیٹی کے تحفظ کا مطالبہ کیا ہے جس کے بعد حکومت نے یہ فیصلہ لیا ہے۔

وہیں کنگنا کے ممبئی جانے پر سیکیورٹی کو لے کر وزیر اعلی نے کہا کہ ریاست سے باہر جانے کے بعد بھی سیکیورٹی دینے کا خیال جاری ہے۔ وزیر اعلیٰ جے رام نے کہا کہ کنگنا ہماچل کی بیٹی ہیں اور ان کی حفاظت ہماری ذمہ داری ہے۔

تازہ ترین معاملے میں کنگنا اور شیو سینا کے رہنما سنجے راوت کی زبانی جنگ میڈیا میں سرخیاں بٹور رہی ہیں۔

ایک حالیہ میڈیا بیان میں سنجے راوت کنگنا کے خلاف نا شائستہ زبان کا استعمال کرتے ہوئے نظر آئے۔

جس کے بعد کنگنا نے ٹویٹر پر جاری ویڈیو جاری کر کے شیوسینا کے ممبر پارلیمنٹ سنجے راوت کو سخت لہجے میں جواب دیا ہے۔ کنگنا نے سنجے راوت کو یاد دلایا کہ وہ 9 ستمبر کو ممبئی آرہی ہیں۔ آپ لوگوں نے مجھے مارنے کی بات کہی ہے، تو نو ستمبر کو ممبئی میں ہی ملتے ہیں۔