راجستھان کا نوجوان پنجابی البم کے مرکزی رول میں

ابھی حال ہی میں ایک پنجابی گانا 'ہائی ہیلس' ریلیز ہوا ہے اور اس گانے میں مرکزی رول راجستھان سے تعلق رکھنے والے ڈانسر و اداکار فواد خان نے ادا کیا ہے۔

راجستھان کے دارالحکومت جے پور کے رہنے والے فواد خان کا حال ہی میں ایک پنجابی گانا 'ہائی ہیلس' ریلیز ہوا ہے۔ اس گانے کو لانچ کرنے کے لیے شہر میں ایک پروگرام بھی منعقد کیا گیا۔

فواد خان نے ای ٹی وی بھارت کو بتایا کہ ' وہ اس سے قبل کئی ویب سیریز میں کام کرچکے ہیں اور جلد مغلیہ دور پر بنائی گئی ایک ویب سیریز میں وہ نظر آنے والے ہیں'۔

فواد خان نے بتایا کے انھوں نے اپنے کریئر کا آغاز سنہ 2013 میں ماڈلنگ سے کیا اور سنہ 2018 تک انھوں نے کئی مقابلوں میں حصہ لیا جس کے بعد وہ اسی برس مسٹر راجستھان کے خطاب سے نوازے گئے۔ اس کے علاوہ انھوں نے سنہ 2019 میں مسٹر اینڈ انڈیا یوتھ کا بھی خطاب حاصل کیا۔

راجستھان سے تعلق رکھنے والے اس اداکار کا کہنا ہے کہ ' وہ ایک متوسط خاندان سے تعلق رکھتے ہیں اور کم عمری سے ہی اہن کے اہلخانہ نے اداکاری کرنے کے خواب کو پورا کرنے میں کافی مدد کی ہے۔ خاندان کے لوگوں کی حوصلہ افزائی کی وجہ سے ہی آج یہ گانا ریلیز ہوسکا ہے'۔