دھرمیندر پرانے نغموں پر گنگناتے نظر آئے، ویڈیو وائرل

معروف اداکار دھرمیندر کی ایک ویڈیو انسٹاگرام پر خوب وائرل ہوئی ہے۔ وہ اپنے خوبصورت انداز میں اپنا پسندیدہ گانا گنگناتے ہوئے نظر آرہے ہیں۔ دھرمیندر اپنے مداحوں کے لیے اس طرح کے ویڈیو شیئر کرتے رہتے ہیں۔

بالی ووڈ میں ہی مین کے نام سے مشہور سدا بہار اداکار دھرمیندر کا ہر انداز لاجواب ہوتا ہے۔حال ہی میں مشہور اداکار نے سوشل میڈیا ویب سائٹ انسٹاگرام پر ایک ویڈیو شیئر کی ہے، جسے خوب پسند کیا جارہا ہے۔

دراصل دھرمیندر اپنے پسندیدہ نغمہ 'ابھی نہ جاؤ چھوڑ کر یہ دل ابھی بھرا نہیں' پر جھومتے اور گنگناتے ہوئے نظر آئے۔ان کا یہ دلکش انداز مداحوں کو خوب پسند آرہا ہے۔یہ ویڈیو سوشل میڈیا پر کئی بار شیئر بھی کیا جاچکا ہے اور لوگ جم کر اس پوسٹ پر تبصرے بھی کر رہے ہیں۔اس ویڈیو کو ابھی تک ڈیڑھ لاکھ لوگوں نے دیکھا ہے۔