شیلا دکشت گزشتہ کئی روز سے علیل تھیں اور انہیں دہلی کے فورٹس ہسپتال داخل کرایا گیا تھا لیکن وہ جاںبر نا ہو سکیں۔
شیلا دکشت کی موت پر کھلاڑی کمار کے نام سے مشہور بالی وڈ اداکار اکشے کمار نے ٹویٹر پر لکھا کہ شیلا دکشت کی موت کی خبر سن کر دکھ ہوا، انہوں نے اپنے دور حکومت میں دہلی کی تصویر بدل دی، میں اس غم کی گھڑی میں میں ان کے اہل خانہ کے ساتھ ہوں۔
فلمی دنیا سے سیاست میں آنے والی بالی وڈ اداکارہ اور کانگریس رہنما ارمیلا ماتونڈکر نے لکھا کہ ' شیلا دکشت جی آپ اپنے اچھے کاموں کی وجہ سے ہمیش ہم تمام لوگوں کے دلوں زندہ رہیں گی، بھگوان آپ کی آتما کو شانتی دے'۔
اداکارہ روینہ ٹنڈن نے بھی شیلا دکشت کی موت پر گہرے غم کا اظہار کیا ہے، انہوں نے لکھا کہ شیلا دکشت بے حد پیار کی جانے والی اور معزز وزیراعلی تھیں، انہوں نے اپنے دور حکومت میں دہلی میں کافی بدلاؤ کیا ہے، بھگوان ان کی آتما کو شانتی دے۔
رچا چڈھا نے ٹویٹ کیا کہ جس شخص کی پرورش دہلی میں ہوئی ہے اس کے لیے شیلا دکشت کی موت یقیناً ذاتی نقصان کے جیسا ہے، رچا نے لکھا کہ میری تعلیم کے وقت شیلا دکشت نے دہلی کی ہریالی میں 300 فیصدی اضافہ کیا ہے۔
لکھنئو میں شوٹنگ میں مصروف اداکارہ بھومی پیڈنیکر نے لکھا کہ شیلا دکشت کی موت انتہائی دکھ کی بات ہے بھگوان ان کے اہل خانہ کو صبر دے اور ان کی آتما کو شانتی دے۔
