Disha Patani birthday: دشا پٹانی کی 29 ویں سالگرہ

اپنی خوبصورتی اور شاندار اداکاری کے ذریعے اپنے مداحوں کا دل جیتنے والی اداکارہ دشا پٹانی Disha Patani آج اپنی 29 ویں سالگرہ منا رہی ہیں۔ ایم ایس دھونی: دا انٹولڈ اسٹوری سے اپنے کیریئر کی شروعات کرنے والی اداکارہ نے کئی فلموں میں بہترین اداکاری کی اور اپنی اداکاری سے فلمی دنیا میں الگ شناخت بنائی۔

اداکارہ دشا پٹانی 13 جون 1992 کو اتراکھنڈ کے پتھورا گڑھ میں پیدا ہوئیں، حالانکہ بعد میں وہ اترپردیش کے ضلع بریلی میں رہنے لگیں۔

دشا نے اپنے کیریئر کی شروعات ایک ماڈل کے طور پر کیا۔ انہوں نے 2013 میں پونڈس فیمینا مس انڈیا کے فرسٹ رنر اپ کا خطاب حاصل کیا۔

بالی وڈ میں انٹری سے قبل دشا پٹانی Disha Patani سال 2015 میں آئی تیلگو فلم 'لوفر' میں ورون تیج کے ساتھ نظر آئی تھیں حالانکہ اس فلم سے دشا کے کیریئر میں کچھ خاص نہیں ہوا۔

حالانکہ اس کے بعد انہوں نے بالی وڈ کا رخ کیا اور بھارتی ٹیم کے مشہور و مقبول کرکٹر اور کامیاب کپتان مہندر سنگھ دھونی پر مبنی فلم 'ایم ایس دھونی: دا انٹولڈ اسٹوری' سے بالی وڈ میں اپنے کیریئر آغاز کیا۔ سنہ 2016 میں آئی اس فلم میں وہ سشانت سنگھ راجپوت کے ساتھ نظر آئیں۔

دشا پٹانی

اس فلم میں ان کا کردار مہندر سنگھ دھونی کی پہلی محبوبہ کا تھا۔ اس فلم میں بہترین اداکاری کے لیے انہیں بیسٹ فیمیل ڈیبو کے لیے اسٹار اسکرین ایوارڈ، اسٹار ڈسٹ ایوارڈ اور انٹرنیشنل انڈین فلم اکیڈمی ایوارڈ سے نوازا گیا۔ اسی کے ساتھ انہیں بگ اسٹار انٹرٹینمنٹ ایوارڈ میں موسٹ انٹرٹیننگ ڈیبو فیمیل ایوارڈ سے بھی نوازا گیا۔

دشا نے چینی ایکشن کامیڈی فلم 'کنگ فو یوگا' میں بھی اداکاری کی ہے۔

سال 2018 میں آئی فلم باگی۔2 میں وہ ٹائیگر شراف کے ساتھ نظر آئیں اور اس جوڑی کو خاصا پسند کیا گیا۔

دشا پٹانی

سلمان خان کی فلم بھارت میں بھی دشا اہم کردار ادا کرتی ہوئی نظر آئیں اور اس فلم کے گانے سلو موشن میں ان کے ڈانس مووس کو بھی خاصا پند کیا اور انہوں نے لوگوں کا دل جیت لیا۔

فلم' ملنگ' میں وہ اہم کردار میں نظر آئیں اور اس فلم میں آدتیہ رائے کپور کے ساتھ ان کی جوڑی خوب جمی۔

دشا پٹانی اور ٹائیگر شراف

اداکارہ دشا کے ریلیشن کی بات کی جائے تو انہیں ٹائیگر شراف کی گرل فرینڈ بھی کہا جاتا ہے، دونوں کو اکثر ساتھ میں دیکھا جاتا ہے حالانکہ کبھی بھی انہوں نے ریلیشن شپ کو تسلیم نہیں کیا اور اس کو صرف دوستی ہی بتایا۔