پتنجلی نمک پر جاوید جعفری کا طنز

بالی وڈ اداکار جا وید جعفری نے اپنے ٹویٹر اکاؤنٹ پر پتنجلی پروڈکٹ پر ایک ٹویٹ کیا ہے، جس کے بعد اس پر زبردست بحث شروع ہوگئی ہے۔

بالی وڈ اداکار جا وید جعفری نے یوگا گرو بابا رام دیو کی کمپنی پتنجلی آیوروید پر ایک مزاحیہ ٹویٹ کیا، جس کے بعد سوشل میڈیا پر زبردست بحث شروع ہوگئی ہے۔

جاوید جعفری کے ایک دوست نے انہیں ایک چٹکلا بھیجاتھا جس میں بابا رام دیو کی کمپنی میں تیار کیا گیا نمک پر طنز کیا گیا تھا۔ اسی ٹویٹ کو جاوید جعفری نے اپنے ٹویٹر ہینڈل پر شیئر کردیا۔

اس لطیفہ میں کہا گیا ہے،' پتنجلی نمک کا پیکٹ کہتا ہے کہ یہ بنا ہے2500 سال پرانی ہمالیہ کی چٹان سے اور ایکسپائری ہے 2019 میں۔'
'ہے بھگوان ، بابا بالکل صحیح وقت پر ڈھونڈ لائے، نہیں تو ہمالیہ پر ہی ایکسپائیر ہوجاتا۔'

ٹویٹ

جاوید جعفری کے شیئر کرنے کے بعد اس ٹویٹ پر زبردست بحث کا سلسلہ شروع ہوگئی ہے۔ بعض صارفین نے مذکورہ پروڈکٹ کی حمایت کی ہے تو بعض نے حیرت کا اظہار کیا ہے۔