امیتابھ نے شیئر کی اپنے پہلے فوٹوشوٹ کی تصویر

بالی وڈ کے سپراسٹار امیتابھ بچن نے اپنے پہلے فوٹوشوٹ کی تصویر شیئر کی ہے۔ جس کو انہوں نے اپنا پہلا فوٹو شوٹ بتایا ہے۔

امیتابھ بچن سوشل میڈیا پر کافی سرگرم رہتے ہیں اور کچھ نہ کچھ نیا شیئر کرکے اپنے مداحوں کا دل جیتتے رہتے ہیں۔ اس مرتبہ انہوں نے اپنے پہلے فوٹوشوٹ کی تصویر شیئر کی ہے۔ امیتابھ نے سوشل میڈیا پر ایک فوٹو شیئر کرتے ہوئے لکھا 'سنہ 1969 میں انڈسٹری میں آنے کے بعد ایک فلم میگزین کے لئے میرا پہلا فوٹوشوٹ' اس فوٹو میں امیتابھ گرین کلر کی ٹی شرٹ میں نظر آرہے ہیں اور انہوں نے یہ بھی لکھا ہے کہ میگزین اسٹار اور اسٹائل کے لئے تھا لیکن اس پروجیکٹ میں نہ تو کوئی اسٹار تھا اور نہ ہی کوئی اسٹائل۔امیتابھ نے فلم 'نصیب' سے ایک فوٹو شیئر کیا ہے جس میں وہ اور رشی کپور نظر آرہے ہیں۔ انہوں نے پرانے دنوں کو یاد کرتے ہوئے لکھا "پرانے زمانے میں فلم نصیب کے لئے سانگ 'رنگ جماكے' کی شوٹنگ، منموہن دیسائی کریزی، باصلاحیت.. گانے میں ایکشن سین شوٹ کرتے ہوئے .. کیا دن تھے''۔