باکس آفس پر آمنے سامنے ہوں گے عامر اور اکشے

اکشے کمار کی فلم 'بچّن پانڈے' اور عامر خان کی فم 'لال سنگھ چڈھا' آئندہ برس کرسمس کے موقعے پر ایک ہی تاریخ پر ریلیز ہوگی، جس سے دونوں فلموں کی کمائی پر اثر پڑ سکتا ہے۔

بالی وڈ کے مسٹر پرفیکٹ کہے جانے والے اداکار عامر خان نے رواں برس اپنے یوم پیدائش کے موقع پر اپنی آئندہ فلم 'لال سنگھ چڈھا' کا اعلان کیا تھا کہ وہ مشہور ہالی وڈ فلم 'فاریسٹ گمپ' کی ریمیک میں کام کرتے ہوئے نظر آئیں گے۔ جو 2020 میں کرسمس کے موقع پر ریلیز ہوگی۔

وہیں حال ہی میں اکشے کمار کی نئی فلم 'بچّن پانڈے' کا پوسٹر ریلیز ہوا، جس میں وہ ماتھے پر بھشم لگائے ہوئے لنگی میں نظر آرہے ہیں۔ جس کے ساتھ ہی اس فلم کی بھی ریلیز تاریخ کا اعلان ہو گیا ہے۔

واضح رہے کہ 1994 میں ریلیز 'فاریسٹ گمپ' ٹام ہیک کے مرکزی کردار پر مبنی تھی، ساتھ ہی یہ فلم بہت کامیاب ہوئی تھی، جسے 6 اکیڈمی ایوارڈ سے نوازا گیا تھا جس میں بہترین ہدایت کار، بہترین فلم، بہترین اداکار، بہترین اسکرین پلے، بہترین منظر کشی اور بہترین فلم ایڈیٹنگ شامل تھی۔

آئندہ برس کرسمس پر عامر اور اکشے کا یہ ٹکراؤ کافی دلچسپ ہوگا۔

باکس آفس پر آمنے سامنے ہوں گے عامر اور اکشے