اکشے کمار نے ممبئی پولیس کو کلائی بینڈ کا عطیہ کیا

اکشے کمار نے کورونا سے بچانے کے لئے ممبئی پولیس میں 1000 کلائی بینڈ تقسیم کیے ہیں، جو پولیس افسران کو کووڈ-19 کی علامات کی نشاندہی میں مدد کرے گا۔ اداکار اس کمپنی کے برانڈ ایمبیسیڈر بھی ہیں۔

اکشے کمار کورونا وائرس کے خلاف اس جنگ میں مستقل طور پر مددگار ثابت ہوئے ہیں، انہوں نے ایک بار پھر پولیس کی مدد کے لئے 1000 کلائی بینڈ بانٹے ہیں، جو کووڈ-19 کی علامات کی شناخت میں مدد کرتا ہے۔

دراصل اکشے اس کلائی بینڈ کمپنی کے برانڈ ایمبیسیڈر ہیں۔ اس بینڈ کو آپ گھڑی کی طرح کلائی پر باندھ سکتے ہیں۔ اس کا سینسر جسمانی درجہ حرارت، دل کی دھڑکن، بلڈ پریشر سمیت قدموں کی تعداد اور کیلوری کا بھی خیال رکھتا ہے۔ جو کورونا کی علامات کی شناخت میں مدد کرتا ہے۔

کمپنی نے بھی معلومات ٹوئٹر پر شیئر کیں اور اکشے کا شکریہ ادا کیا۔

اس سے پہلے بھی اکشے کمار ممبئی پولیس فاؤنڈیشن کو کروڑوں روپے کا عطیہ کرچکے ہیں، جو کورونا سے حفاظت کے لئے پولیس افسران کے لئے استعمال ہوں گے۔

ابتدا میں وزیر اعظم مودی کی اپیل پر اکشے کمار نے وزیر اعظم کیئرس فنڈ میں 25 کروڑ کا عطیہ کیا۔ اس کے علاوہ کبھی پی پی ای کٹس بانٹنا اور کبھی غریبوں کو کھانا کھلانا، ان سب کے لیے وہ مدد کرنے سے کبھی نہیں ہچکچاتے۔

کام کے بارے میں بات کریں تو وہ آنے والے وقت میں بہت ساری فلموں میں نظر آئیں گے۔ ان میں 'اترنگی رے' ، 'لکشمی بامب' ، 'پرتھویراج' اور 'بچن پانڈے' وغیرہ شامل ہیں۔