Chinese Space Station: چینی چھ خلاباز پہلی بار خلا میں ایک ساتھ جمع ہوئے

چین کے زیر تعمیر خلائی اسٹیشن پر پہنچنے والے تین خلابازوں نے بدھ کے روز خلا میں پہلے سے موجود اپنے تین ساتھیوں سے ملاقات کی۔ اس کے ساتھ ہی پہلی بار کسی ملک کے چھ خلا باز ایک ساتھ خلا میں جمع ہوئے۔

بیجنگ: چین کے زیر تعمیر خلائی اسٹیشن پر پہنچنے والے تین خلابازوں نے بدھ کے روز خلا میں پہلے سے موجود اپنے تین ساتھیوں سے ملاقات کی۔ اس کے ساتھ ہی پہلی بار کسی ملک کے چھ خلا باز ایک ساتھ خلا میں جمع ہوئے۔ چین نے منگل کی رات تین خلابازوں فی جون لانگ، ڈینگ کنگ منگ اور جھانگ لو کو اپنے زیر تعمیر خلائی اسٹیشن پر روانہ کیا تھا۔ چائنا مینڈ اسپیس ایجنسی (سی ایم ایس اے) کے مطابق شینزؤ 15 خلائی جہاز کو شمال مغربی چین کے جیوکوان سیٹلائٹ لانچ سینٹر سے لانچ کیا گیا تھا۔ Chinese spaceship with 3 aboard docks with space station

سرکاری خبر رساں ایجنسی شنہوا کے مطابق خلائی اسٹیشن پر پہلے سے موجود تین افراد نے عملے کے تین نئے ارکان کو گلے لگا کر خوش آمدید کہا۔ انہوں نے ایک گروپ فوٹو بھی لیا۔ یہ سبھی خلاباز تقریباً پانچ روز تک ایک ساتھ کام کریں گے۔ اس کے بعد خلائی اسٹیشن میں چھ ماہ تک رہنے والے پہلے سے موجود تین خلاباز زمین پر واپس لوٹ آئیں گے۔ چین اور امریکہ کے سخت مقابلے کے درمیان بیجنگ اس سال کے آخر تک اپنے خلائی اسٹیشن کی تعمیر مکمل کر لے گا۔ تعمیر مکمل ہونے کے بعد، چین واحد ملک ہوگا جس کے پاس اپنا خلائی اسٹیشن ہوگا۔ Chinese spaceship with 3 aboard docks with space station